Antologia di testi

Il privilegio di Ruggero I

Per comodità dei lettori, si presenta qui il testo del privilegio del conte Ruggero, non datato, pervenutoci in copia autentica, conservato nell’ACG (Archivio Collegio Greco di Roma). Il diploma è attentamente esaminato da MÉNAGER, L’Abbaye, pp. 66-72.

In nomine Sancte et Individue Trinitatis. Notum sit cunctis ecclesie filiis quod ego, Rogerius, Calabriae comes et Siciliae, divina inspiratus dignatione, pro salute anime mee et coniugis mee necnon et parentum meorum seu fidelium meorum et domini mei ducis, fratris videlicet mei, cuius beneficio totius honoris mei summan retineo, construxi monasterium ad honorem sanctissime Trinitatis sancteque perpetue virginis Marie atque sancti Michaelis Archangeli aliorumque sanctorum, quorum ibidem nomina et reliquie continentur. Terras etiam et predia ibidem Deo servientibus monachis dedi ct abbati Roberto, meo consanguineo. Sed et immunitatem et libertatem, auctoritate ac privilegio domini mei summan retineo, construxi monasteriuin ad honorcm sanctissime Trinitatis secundum regulam sancti Benedicti, abbatem ex semetipsis eligendi et costituendi atque in omnibus que supradicta ecclesia habet concessione mea vel habere potuerit liberam potestatem et omnium presbiterorum pertinentie sue omniumque ecclesiarum suarum omnia iura habeant per omnia. Si qui, vero fidelium, amore Dei et salute anime sue compunctus, eidem ecclesie ex suo iure dare aliquid voluerit ecclesias, possessiones, vineas, terras, domos, villanos, mea ac meorum libertate concessa, cum gaudio spirituali, remota omnia occasione, prebeat. Que autem in dedicatione eiusdem ecclesie, que facta est ab archipresule bone memorie domino Arnulfo,quarto kalendas ianuarii,anno incarnatione domini millesimo octogesimo primo, indictione quarta, dominante domino meo duce, Roberto Guiscardo, a me vel a fidelibus meis, dotis nomine, eidem ecclesia data et concessa sunt, subscripsimus: in primis, terram sancti Gregorii, cum omnibus suis appendiciis, terram quoque a castro Meliti usque ad flumen et sicut hoc flumen ascendit sursum inter divisiones viearum sancti Archangeli et Engerranni canonici et ascendit usque ad monticulum Rogerii Harenc. inde vero descendit usque ad puteum Morini, deinde rursum usque in flumine et sicut ipsum flumen descendit usque ad descensum supradicti castri; et si aliquid extra predictos terminos recte abuerint, concedo ut pari libertate habeant. Et in supradicto castro septem villanos. Et in Mesiano omnia que in meo abebam dominio. In castellario duos villanos; abbatiam quoque sancti Nicholai de Gerentia. In Burciana unam abbatiam. In Sicilia vero ecclesia sancti Georgii in civitate Traina, cuni quadraginta villanis. In Valle Demonum, abbatias sancti Basilii et sancti Nicholai cum pertinentiis earum et sancti Angeli, cum pcrtinentiis suis. Serlo vero, meus nepos, -dedit in Serrat septem villanos et in Sullit ecclesia cum vinea, scilicet Arnulfus Superbus unum piscatorem et Lambertus alium in eodem loco. Et in Geracio dedi abbatiam sancti Nichodemi et Serlo supradictus aliam abbatiam dedit et ecclesiolas que ad hanc pertinent abbatiam, videlicet ecclesiam sancti Antonii, Leonis, Mercunii et omnia que habebant ibidem in die qua Geracium habuit, exceptis corporibus ecclesiarum que in castro ipso sunt. Ansgotus quoque in Folicastro dedit quinque villanos, Osmundus autem duos villanos, Hugo vero, eiusdcm loci cooperator et fundator, dedit in Melito quatuor villanos et in Valle Demonum quatuor villanos. Is omnibus etiam suprascriptis aliud adiungimus quod firmiter teneri precipimus, scilice, ut quicumque extranei homines in terra ecclesie manere voluerint, in villa Meliti et in omnibus ecclesiae manere voluerint, in villa Meliti et in omnibus ecclesie memorate omnino pertinentiis, nisi in platiis dominorum suorum scripti inveniri potuerint, qui recte ideo ac firmissima adhuc ratione eos recuperare valeant, abbatis et monachorum precepto nullo homine seculari eos prepediente, quamdiu voluerint, sub ecclesie dominio demorentur. Aliud quoque tenendum sine retractactione constituo et per obedientiam precipio, ut in supradicta ecclesia, quam ab ipsis fundamentis ereptam dotis munere nobiliter ditare cupio, omnes mei heredes ipsis huic precepto meo in vita sua annuentibus, mecum sepulti requiescant. Hec autem omnia, ut prediximus firmamus et corroboramus, testimonio subscriptorum testium. Si quis autem, temerario ausu, de his omnibus que prediximus violare aliquid aut diminuere voluerit, pars illius habeatur cum diabolo et angelis eius.   + Signum Roberti ducis. + Si­gnum Rogerii comitis. + Signum Arnulfi archiepiscopi. + Signum Ansgoti. + Signum Serlonis. + Signum Guillelmi stratigoti. + Signum Roberti Silvani. + Signum Roberti de Guasconia. + Signum Hugonis Bardulfi. + Signum Hugonis, filii Hercut. + Signum Osmundi Carbonelli. + Signum Roberti Bardulfi. + Signum Rogerii pueri. + Signum Rannulfi Superbi. + Signum Rogerii, fili Osmundi. + Signum Anschetili de Musel + Signum Radulfi, fili Ernegisi.